Muzaffarnagar Schoolgirl Harassment : प्रतिकार करताच तरुणाने रस्त्यात तरूणीला मारली चापट – 2026

बुढाना येथील सीसीटीव्ही फुटेज सोशल मीडियावर व्हायरल; पोलिसांकडून तपास सुरू

Muzaffarnagar Schoolgirl Harassment: उत्तर प्रदेशातील मुझफ्फरनगर जिल्ह्यातील बुढाना येथे शाळकरी मुलीची छेडछाड केल्याची धक्कादायक घटना सीसीटीव्ही कॅमेऱ्यात कैद झाली आहे. या घटनेचा व्हिडिओ सोशल मीडियावर मोठ्या प्रमाणात व्हायरल झाला असून, पोलिसांनी प्रकरणाची दखल घेत तपास सुरू केला आहे.

व्हायरल झालेल्या सीसीटीव्ही फुटेजमध्ये काळा शर्ट घातलेला एक तरुण शाळकरी मुलीचा पाठलाग करताना दिसत आहे. मुलगी एका गल्लीतून जात असताना तरुण तिच्या मागे येतो. त्यानंतर तो मुलीला अडवून तिच्याशी गैरवर्तन करताना आणि तिला ढकलताना दिसतो. मुलीने या प्रकाराला विरोध करण्याचा प्रयत्न केला असता, संबंधित तरुणाने तिला चापट मारल्याचे सीसीटीव्हीमध्ये स्पष्टपणे दिसत आहे.

या घटनेनंतर घाबरलेली मुलगी कोणताही प्रतिकार न करता तेथून निघून जाते. परिसरातील सीसीटीव्ही कॅमेऱ्यात संपूर्ण प्रकार कैद झाल्याने हा व्हिडिओ सोशल मीडियावर वेगाने प्रसारित झाला. घटनेमुळे परिसरात संताप व्यक्त केला जात आहे.

संशयित तरुणाची ओळख पटविण्याचे प्रयत्न

व्हिडिओ समोर आल्यानंतर पोलिसांनी घटनेची माहिती घेत तपास सुरू केला आहे. सीसीटीव्ही फुटेजच्या आधारे संशयित तरुणाची ओळख पटविण्याचे प्रयत्न सुरू आहेत. तसेच घटनेमागील नेमका प्रकार आणि संबंधित व्यक्तीविरोधात कोणती कारवाई करण्यात आली, याबाबत पोलिसांकडून अधिक माहिती घेतली जात आहे.

Read About : Rajkot Fake Currency – इन्स्टाग्राम रील पाहून भाजी विक्रेत्याने छापल्या बनावट नोटा; राजकोट पोलिसांची मोठी कारवाई
E-Paper: Punyanagari E-Paper