Antarctica Glacier Melting : नासाच्या उपग्रह छायाचित्रांत दिसली कवटीसारखी रचना

नासाच्या लँडसॅट-९ उपग्रहाने टिपलेल्या छायाचित्रांत वेगा बेटावरील खडक आणि बर्फाची रचना मानवी कवटीसारखी दिसते

न्यूयॉर्क : Antarctica Glacier Melting अंटार्क्टिकामधील वेगा बेटाचे उपग्रहातून टिपलेले छायाचित्र सध्या चर्चेत आहे. बेटावरील खडक आणि बर्फाच्या रचनांमुळे ते एखाद्या हसणाऱ्या मानवी कवटीसारखे दिसते. नासाने लँडसॅट-९ उपग्रहाच्या मदतीने मार्च २०२५ आणि ऑक्टोबर २०२६ मधील छायाचित्रे टिपली आहेत. या छायाचित्रांतून बेटावरील बर्फाचे आवरण कमी झाल्याचे स्पष्ट दिसते.
वेगा बेटावरील बर्फाबाहेर आलेला खडकाळ पर्वत कवटीच्या डोळ्याच्या खोबणीसारखा दिसतो. हिमनदीच्या कडेला साचलेल्या दगड-मातीच्या रचनेमुळे तोंडाचा आकार तयार झाला आहे. तर डेव्हिल्स बे हिमनदी कवटीच्या खालच्या जबड्यासारखी दिसते.

उष्ण हिवाळ्यामुळे बर्फाचे आवरण घटले

निकोल्स कॉलेजचे हिमनदी तज्ज्ञ मॉरी पेल्टो यांच्या मते, २०२६ मधील असामान्य उष्ण हिवाळ्यामुळे ऑक्टोबरमध्ये मोठ्या प्रमाणावर बर्फ उघडा पडला. कमी हिमवृष्टी, बाष्पीभवन आणि जोरदार वाऱ्यांमुळेही बर्फाचे आवरण कमी झाले. Antarctica Glacier Melting

काळा बर्फ वाढवू शकतो वितळण्याचा वेग

पांढरा बर्फ सूर्यप्रकाश परावर्तित करतो; मात्र गडद रंगाचा उघडा बर्फ अधिक उष्णता शोषतो. त्यामुळे उन्हाळ्यात हिमनद्या वेगाने वितळण्याची शक्यता आहे. १९९८-९९ पासून निरीक्षणाखाली असलेल्या डेव्हिल्स बे हिमनदीच्या वस्तुमानातही घट नोंदवली आहे. Antarctica Glacier Melting

ऐतिहासिक मोहिमेचीही साक्षीदार

१९०१ ते १९०३ दरम्यानच्या स्वीडिश अंटार्क्टिक मोहिमेतील संशोधक जहाज नष्ट झाल्यानंतर येथे अडकले होते. १९०३ मध्ये दोन गटांची भेट झाली आणि नंतर अर्जेंटिनाच्या मोहिमेने त्यांची सुटका केली. आज हे बेट हवामानबदलामुळे बदलणाऱ्या अंटार्क्टिकाचे महत्त्वाचे उदाहरण ठरत आहे.

Read About : Near-Death Experiences – काहींचा शेवटचा प्रवास रंगहीन, काहींचा रंगमय

E-Paper : Punyanagari E-Paper