Drought-Hit Students Exam Fee Refund 2026 – दुष्काळग्रस्त तालुक्यांतील विद्यार्थ्यांना परीक्षा शुल्काचा परतावा मिळणार!

यशवंतराव चव्हाण महाराष्ट्र मुक्त विद्यापीठाचा निर्णय, पात्र विद्यार्थ्यांच्या खात्यात थेट जमा होणार रक्कम

छत्रपती संभाजीनगर: Drought-Hit Students Exam Fee Refund 2026 – राज्यातील दुष्काळसदृश परिस्थितीचा फटका बसलेल्या तालुक्यांतील विद्यार्थ्यांना दिलासा देणारा महत्त्वपूर्ण निर्णय यशवंतराव चव्हाण महाराष्ट्र मुक्त विद्यापीठाने घेतला आहे. २०२६ च्या खरीप हंगामात दुष्काळसदृश परिस्थिती जाहीर झालेल्या तालुक्यांतील पात्र विद्यार्थ्यांना परीक्षा शुल्काचा परतावा देण्यात येणार आहे. त्यामुळे आर्थिक अडचणींचा सामना करणाऱ्या विद्यार्थ्यांना काही प्रमाणात आर्थिक दिलासा मिळणार आहे.

विद्यापीठाच्या या निर्णयानुसार, परताव्यासाठी पात्र असलेल्या विद्यार्थ्यांना आवश्यक कागदपत्रे ऑनलाइन पद्धतीने सादर करावी लागणार आहेत. विद्यार्थ्यांनी सादर केलेल्या कागदपत्रांची पडताळणी केल्यानंतर परताव्याची मंजूर रक्कम थेट त्यांच्या बँक खात्यात जमा केली जाणार आहे. त्यामुळे विद्यार्थ्यांना शुल्क परताव्यासाठी कार्यालयात वारंवार चकरा मारण्याची आवश्यकता राहणार नाही.

परीक्षा शुल्क परतावा मिळवण्यासाठी विद्यार्थ्यांना काही महत्त्वाची कागदपत्रे सादर करावी लागणार आहेत. यामध्ये प्रवेश शुल्काची पावती, उत्पन्नाचा दाखला, रहिवासी दाखला, बँक पासबुकच्या पहिल्या पानाची प्रत किंवा रद्द धनादेश, आधारकार्ड आणि पॅनकार्ड यांचा समावेश आहे. ही सर्व कागदपत्रे ऑनलाइन अर्जासोबत जोडणे आवश्यक राहणार आहे.

अर्जाची मुदत विद्यापीठाकडून जाहीर होणार

परीक्षा शुल्क परताव्यासाठी अर्ज भरण्याची ऑनलाइन सुविधा तसेच अर्ज सादर करण्याची अंतिम मुदत विद्यापीठाकडून स्वतंत्रपणे जाहीर करण्यात येणार आहे. त्यामुळे पात्र विद्यार्थ्यांनी विद्यापीठाच्या अधिकृत संकेतस्थळावरील सूचनांकडे नियमित लक्ष ठेवावे, असे आवाहन विद्यापीठाच्या वतीने करण्यात आले आहे. दुष्काळसदृश परिस्थितीमुळे आर्थिक अडचणी निर्माण झालेल्या विद्यार्थ्यांना शिक्षणाच्या प्रवाहात टिकून राहण्यासाठी हा निर्णय महत्त्वपूर्ण ठरणार आहे.

Read About : GMCH Medical Students – वैद्यकीय विद्यार्थ्यांसाठी घाटीत संधींची नवी कवाडे उघडणार !
E-Paper: Punyanagari E-Paper