Saudi Arabia Execution : मक्केतील मशिदीत अनैतिक कृत्याचा आरोप; दोन बांगलादेशी नागरिकांना फाशी

१४ ऑक्टोबर रोजी मक्का प्रांतात फाशीची अंमलबजावणी; बांगलादेशने व्यक्त केली तीव्र नाराजी, कायदेशीर अहवालाची मागणी

रियाध – Saudi Arabia Execution सौदी अरेबियातील अत्यंत पवित्र शहर समजल्या जाणाऱ्या मक्का येथील एका मशिदीमध्ये धार्मिक मर्यादांचे उल्लंघन आणि अनैतिक कृत्य केल्याच्या गंभीर आरोपाखाली दोन बांगलादेशी नागरिकांना मृत्युदंडाची शिक्षा सुनावण्यात आली असून, त्यांना फासावर चढवण्यात आले आहे. सौदी सरकारच्या या थेट कारवाईमुळे बांगलादेश आणि सौदी अरेबिया या दोन्ही देशांमध्ये मोठा राजनैतिक तणाव निर्माण झाला आहे.

शाही आदेशानंतर १४ ऑक्टोबरला फाशीची अंमलबजावणी

सौदीच्या गृह मंत्रालयानुसार, नजरुल इस्लाम अब्दुल बसीर आणि सिटी अख्तर या दोन बांगलादेशी नागरिकांना १४ ऑक्टोबर २०२६ रोजी मक्का प्रांतात फाशी देण्यात आली. मशिदीत अनैतिक कृत्य केल्याप्रकरणी इस्लामिक कायद्यातील ताजीर कलमांतर्गत हा निर्णय घेण्यात आला असून वरिष्ठ न्यायालयाची मंजुरी व शाही आदेशानंतर ही अंमलबजावणी झाली. मात्र, कृत्याचा नेमका तपशील जाहीर करण्यात आलेला नाही.

बांगलादेशकडून तीव्र निषेध

दूतावासाला कोणतीही पूर्वकल्पना न देता ही कारवाई केल्यामुळे बांगलादेशच्या परराष्ट्र मंत्रालयाने तीव्र नाराजी व्यक्त केली आहे. जेद्दाह येथील दूतावासाने सौदी परराष्ट्र मंत्रालयाला पत्र पाठवून या प्रकरणाचा कायदेशीर अहवाल मागितला आहे. दुसरीकडे, सौदी अरेबियाने धार्मिक स्थळांचे पावित्र्य राखण्यासाठी अशी कठोर कारवाई सुरूच राहील, असा स्पष्ट इशारा दिला आहे. या प्रकरणामुळे मानवाधिकार संघटनांकडून पुन्हा एकदा चर्चा सुरू झाली असून दोन्ही देशांच्या संबंधांवर याचा परिणाम होण्याची शक्यता आहे.

Read About: Orbital refueling technology in India – आता अंतराळात फिरता ‘इंधन पंप’!

E-Paper: Punyanagari E-Paper