Salman Khan Trolling : ‘बस्स करा आता!’ – सलमान

बॉडी शेमिंगवर भाईजान संतापला, कतरिना कैफचीही घेतली बाजू

नवी दिल्ली : Salman Khan Trolling : सोशल मीडियावर सेलिब्रिटींना ट्रोल करण्याचे प्रकार काही नवे नाहीत. मात्र, यावेळी अभिनेता सलमान खानने आपल्या ट्रोलर्सना थेट उत्तर दिले आहे. सलमानच्या या भूमिकेचे दिग्दर्शक रोहित शेट्टी यांनीही जोरदार समर्थन केले आहे.
रोहित शेट्टी यांनी रविवारी इन्स्टाग्रामवर सलमानचा एक व्हिडिओ शेअर केला. या व्हिडिओसोबत त्यांनी लिहिले, ‘प्रिय ट्रोलर्स… आता बस्स, भाई!’ रोहित यांच्या या पोस्टची सोशल मीडियावर चर्चा रंगली आहे.

‘कोण ट्रोल करतंय, हे आम्हाला कळतं!’

सलमानने ‘बिग बॉस २०’च्या एका भागात शर्ट काढून चेहऱ्यावरील मेकअप पुसला. आपल्या बदललेल्या लूकवरून सोशल मीडियावर होणाऱ्या ट्रोलिंगवर त्याने यावेळी भाष्य केले.
‘मला कोण ट्रोल करतंय, हे आम्हाला माहीत असतं. आमचे अनेक फॅन क्लब आहेत. त्यामुळे कोण काय करत आहे, याची माहिती मिळते. मात्र, आम्ही प्रत्येक गोष्टीला उत्तर देत नाही,’ असे सलमानने सांगितले.
ट्रोलिंगच्या मागे काही वेळा पैशांचा व्यवहारही असू शकतो, असे सलमानने म्हटले. एखाद्याला मुद्दाम कमी दाखवण्यासाठी पैसे देणे किंवा चित्रपटांना पैशांच्या बदल्यात रेटिंग देणे, ही देखील चुकीची पद्धत असल्याचे त्याने सांगितले.

कतरिनासाठीही सलमान पुढे

• सलमानने अभिनेत्री कतरिना कैफ हिच्या ट्रोलिंगवरही नाराजी व्यक्त केली. मुंबईतील एका गणेशोत्सव कार्यक्रमात सहभागी झाल्यानंतर कॅटरिनाचे काही व्हिडिओ सोशल मीडियावर व्हायरल झाले होते. त्यानंतर तिच्या सध्याच्या लूकची जुन्या फोटोंशी तुलना करत काही जणांनी तिला ट्रोल केले.
• यावर सलमानने ट्रोलर्सना चांगलेच सुनावले. गर्भधारणेनंतर महिलेचे वजन वाढणे ही नैसर्गिक गोष्ट आहे. त्यासाठी तिला ट्रोल करण्याची गरज नाही, असे त्याने स्पष्ट केले.
• ‘गर्भवती महिलेला ट्रोल का करता? गर्भधारणेनंतर प्रत्येकाचे वजन वाढते. ती पुन्हा कामावर परतल्यानंतर फिट होईल. सध्या तिला आपल्या कुटुंबासोबत वेळ घालवायचा आहे,’ असे सलमानने म्हटले.

रोहित शेट्टीने म्हटले—’आता पुरे!’

सलमानच्या या स्पष्ट भूमिकेचे रोहित शेट्टी यांनी कौतुक केले आहे. त्यांच्या छोट्याशा पोस्टने ट्रोलिंगच्या मुद्दयावर पुन्हा चर्चा सुरू झाली आहे.
सोशल मीडियावर एखाद्याच्या रूपावर, शरीरावर किंवा वैयक्तिक आयुष्यावर टीका करणे सोपे असते. मात्र, प्रत्येक स्क्रीनच्या मागे एक माणूस आहे, याची जाणीव ठेवणेही तितकेच महत्त्वाचे आहे. सलमानच्या या भूमिकेमुळे ‘ट्रोलिंगला किती थारा द्यायचा?’ हा प्रश्न पुन्हा चर्चेत आला आहे.

Read About : Indian Wolf Satellite Collar लांडग्याला सॅटॅलाइट कॉलर; राज्यातील दुसरा प्रयोग संभाजीनगरात
E-Paper: Punyanagari E-Paper