October 2026 OTT and movie releases – कॉमेडीपासून सस्पेन्सपर्यंत मनोरंजनाची मेजवानी

या आठवड्यात काय पाहाल? जाणून घ्या

मुंबई : October 2026 OTT and movie releases – सप्टेंबरचा शेवट आणि ऑक्टोबरची सुरुवात मनोरंजनप्रेमींसाठी खास ठरणार आहे. २८ सप्टेंबर ते ४ ऑक्टोबर २०२६ या काळात चार नवीन हिंदी चित्रपट आणि वेब सीरिज प्रेक्षकांच्या भेटीला येत आहेत. कॉमेडी, प्रेमकथा, कोर्टरूम ड्रामा आणि सस्पेन्स अशा वेगवेगळ्या प्रकारच्या कथा यामध्ये पाहायला मिळणार आहेत. ‘दुपहिया’चा दुसरा सीझन ओटीटीवर येत आहे, तर ‘दृश्यम: द कन्क्लूजन’ आणि ‘प्रेम कीटाणु’ हे चित्रपट थिएटरमध्ये प्रदर्शित होणार आहेत.

‘दुपहिया २’मध्ये पुन्हा धमाल

‘दुपहिया’ सीझन २ हा १ ऑक्टोबर २०२६ रोजी प्राइम व्हिडीओवर प्रदर्शित होणार आहे. सोनम नायर यांनी दिग्दर्शित केलेल्या या सीरिजमध्ये गजराज राव, रेणुका शहाणे, स्पर्श श्रीवास्तव आणि भुवन अरोरा यांच्या भूमिका आहेत. या सीझनमध्ये बनवारी आपल्या जमिनीवर मोबाइल टॉवर उभारण्याचा विचार करतो. त्यातून त्याला नियमित उत्पन्न मिळावे, अशी त्याची इच्छा आहे. मात्र, गावातील लोक त्याच्या या निर्णयाला विरोध करतात. दुसरीकडे भुगोल आणि रोशनी यांच्या आयुष्यातही नवीन समस्या निर्माण होतात. इन्स्पेक्टर मिथिलेशला गावात एका नव्या घोटाळ्यांचा संशय येतो. त्यामुळे गावातील गमतीजमती आणि गोंधळ पुन्हा पाहायला मिळणार आहे.

‘पूजा मेरी जान’ची वेगळी कथा

‘पूजा मेरी जान’ हा चित्रपट २ ऑक्टोबरला झी५वर प्रदर्शित होणार आहे. नवजोत गुलाटी यांच्या दिग्दर्शनाखाली तयार झालेल्या या चित्रपटात मृणाल ठाकूर, हुमा कुरेशी, विक्रम सिंह चौहान आणि विजय राज यांच्या भूमिका आहेत. चित्रपटाची कथा पूजाभोवती फिरते. पूजा अनिकेतच्या लग्नाच्या प्रस्तावाला नकार देते. त्यानंतर अनिकेत आत्महत्या करतो आणि या घटनेचा ठपका पूजावर ठेवला जातो. त्यामुळे तिच्यासमोर कोर्टातील लढाई आणि माध्यमांमधील चर्चेचे मोठे आव्हान उभे राहते. सना नावाची वकील या प्रकरणाचा तपास करताना पूजा आणि अनिकेतच्या नात्यात नेमके काय घडले होते, हे शोधण्याचा प्रयत्न करते.

‘दृश्यम’मध्ये पुन्हा सस्पेन्स

‘दृश्यम: द कन्क्लूजन’ हा चित्रपट २ ऑक्टोबर २०२६ रोजी थिएटरमध्ये प्रदर्शित होणार आहे. अभिषेक पाठक यांच्या दिग्दर्शनाखाली तयार झालेल्या या चित्रपटात अजय देवगण, तब्बू, श्रिया सरन, जयदीप अहलावत आणि प्रकाश राज यांच्या प्रमुख भूमिका आहेत. विजय साळगावकरची कथा या चित्रपटात पुढे नेण्यात आली आहे. विजयने आपल्या कुटुंबाचे सत्य लपवण्यासाठी केलेल्या प्रयत्नांनंतर आता काही नवीन पुरावे समोर येतात. या पुराव्यांमुळे त्याच्या कुटुंबाचे जुने गुपित उघड होण्याचा धोका निर्माण होतो. त्यातच एका नव्या तपास अधिकाऱ्याची एंट्री होते आणि तपासाला वेग येतो. त्यामुळे विजयसमोर पुन्हा एकदा मोठे संकट उभे राहते. यावेळी तो सत्य लपवण्यात यशस्वी होणार की गुपिताचा पर्दाफाश होणार, याची उत्सुकता प्रेक्षकांना आहे.

‘प्रेम कीटाणु’मध्ये लव्ह ट्रँगल

‘प्रेम कीटाणु’ हा रोमँटिक कॉमेडी चित्रपटही २ ऑक्टोबर २०२६ रोजी थिएटरमध्ये प्रदर्शित होणार आहे. अपूर्व सिंह कार्की यांनी या चित्रपटाचे दिग्दर्शन केले असून वीर पहाडिया, अपारशक्ती खुराना, राकेश बेदी आणि निखिल विजय यांच्या भूमिका आहेत.
चित्रपटाची कथा विशाल नावाच्या कॉलेज विद्यार्थ्याभोवती फिरते. विशालला सुहानी आवडते, मात्र तिच्या आयुष्यात रणजीतची एन्ट्री होते. रणजीतच्या व्यक्तिमत्त्वामुळे सुहानी त्याच्याकडे आकर्षित होते. त्यानंतर दोघांमध्ये सुहानीचे प्रेम मिळवण्यासाठी स्पर्धा सुरू होते. या प्रेमाच्या त्रिकोणातून गैरसमज, वाद, विनोदी प्रसंग आणि गोंधळ निर्माण होतो.

कुठे काय पाहता येणार?

या आठवड्यात प्रेक्षकांसाठी ओटीटी आणि थिएटर असे दोन्ही पर्याय उपलब्ध आहेत. ‘दुपहिया’ सीझन २, १ ऑक्टोबरला प्राइम व्हिडीओवर, तर ‘पूजा मेरी जान’ २ ऑक्टोबरला झी५वर येणार आहे. त्याच दिवशी ‘दृश्यम: द कन्क्लूजन’ आणि ‘प्रेम कीटाणु’ हे दोन्ही चित्रपट थिएटरमध्ये प्रदर्शित होणार आहेत.

मनोरंजनाचा आठवडा

कॉमेडी, सस्पेन्स, कोर्टरूम ड्रामा आणि रोमँटिक कॉमेडी अशा वेगवेगळ्या प्रकारच्या कथा या आठवड्यात प्रेक्षकांना पाहायला मिळणार आहेत. त्यामुळे ओटीटीवर नवी सीरिज पाहण्यापासून ते थिएटरमध्ये मोठ्या पडद्यावर सस्पेन्स अनुभवण्यापर्यंत मनोरंजनाचे अनेक पर्याय उपलब्ध असणार आहेत.

Read About : Farah Khan paparazzi video – ‘सलमानने सांगितलं होतं ना…?’,- फराह
E-Paper: Punyanagari E-Paper