Electric Meter Box Blast in Surat School – शिक्षकाच्या सतर्कतेमुळे विद्यार्थ्यांचे वाचले प्राण

सुरतमधील महानगरपालिका शाळेत मीटर बॉक्सचा स्फोट होऊन आग; शिक्षकाने अग्निशामक यंत्राच्या मदतीने आगीवर मिळवले नियंत्रण

सुरत – Electric Meter Box Blast in Surat School सुरतमधील अमरोली परिसरातील गणेशपुरा रोडवर असलेल्या महानगरपालिका प्राथमिक शाळा क्रमांक २३२ मध्ये आज अचानक एक अपघात घडला. शाळेचे सत्र नियमितपणे सुरू असताना आणि शेकडो मुले वर्गात असताना अचानक इलेक्ट्रिक मीटर बॉक्सचा जोरदार स्फोट झाला. या स्फोटामुळे शाळेत आग लागली.

हा अपघात घडला, त्यावेळी शाळेच्या वेगवेगळ्या वर्गांमध्ये सुमारे ४०० हून अधिक विद्यार्थी उपस्थित होते. मीटर बॉक्सचा स्फोट इतका मोठा होता की, त्यामुळे निर्माण झालेल्या आवाजामुळे आणि धुराच्या लोटामुळे मुलांमध्ये भीतीचे वातावरण निर्माण झाले.

घटनेचे गांभीर्य ओळखून एका शिक्षकाने अत्यंत धाडसाने आणि सतर्कतेने तात्काळ पावले उचलली. त्यांनी शाळेत उपलब्ध असलेल्या अग्निशामक यंत्राचा वापर करून आगीवर नियंत्रण मिळवण्याचा प्रयत्न सुरू केला. दरम्यान, शालेय प्रशासनातील इतर कर्मचाऱ्यांनी कसलाही विलंब न करता सर्व वर्गांमधील विद्यार्थ्यांना सुरक्षितपणे शाळेसमोरील मोकळ्या मैदानावर हलवले.

शिक्षकाच्या या धाडसामुळे अग्निशमन दलाच्या गाड्या घटनास्थळी पोहोचण्यापूर्वीच आगीवर पूर्णपणे नियंत्रण मिळवण्यात यश आले. प्राथमिक तपासणीनुसार, हा स्फोट शॉर्ट सर्किटमुळे झाल्याचे समोर आले आहे.

Read About : Firozabad Firing : पतीकडून पत्नी आणि प्रियकरावर गोळीबार; दोघे गंभीर

E-Paper: Punyanagari E-Paper