ईशान्य मान्सूनचा प्रभाव वाढणार; चेन्नईसह अनेक जिल्ह्यांत हलक्या पावसाची शक्यता, किनारपट्टी आणि सखल भागांतील नागरिकांना सतर्कतेचे आवाहन
चेन्नई : Tamil Nadu Heavy Rain Alert भारतीय हवामान विभागाने (आयएमडी) सोमवारी तामिळनाडूतील १० जिल्ह्यांत मुसळधार पावसाचा अंदाज वर्तवला आहे. यामध्ये कुड्डालोर, तंजावर, तिरुवरूर आणि नागपट्टिनम या जिल्ह्यांचा प्रामुख्याने समावेश असून, पुढील काही दिवसांत राज्याच्या अनेक भागांत पावसाचा जोर वाढण्याची शक्यता आहे.
हवामान विभागाने जारी केलेल्या बुलेटिननुसार, रविवारी चेन्नई, तिरुवल्लूर, चेंगलपट्टू, विल्लुपुरम, कुड्डालोर, तंजावर, तिरुवरूर, नागपट्टिनम, पुदुक्कोट्टई आणि रामनाथपुरम या जिल्ह्यांत मध्यम स्वरूपाच्या पावसाचा अंदाज आहे.
सोमवारी पावसाचा जोर आणखी वाढणार असून कुड्डालोर, तंजावर, तिरुवरूर, नागपट्टिनम, पुदुक्कोट्टई, शिवगंगा, रामनाथपुरम, थुथुकुडी, तिरुनेलवेली आणि कन्याकुमारी या १० जिल्ह्यांत मुसळधार पावसाची शक्यता वर्तवण्यात आली आहे. याशिवाय चेन्नई, कांचीपुरम, कोइम्बतूर, तिरुचिरापल्ली, दिंडीगुल, मदुराई आणि थेनीसह इतर अनेक जिल्ह्यांत हलक्या सरी कोसळतील.
ईशान्य मान्सूनच्या या पावसामुळे कावेरी डेल्टा प्रदेशातील (तंजावर, तिरुवरूर आणि नागपट्टिनम) शेतीला मोठा दिलासा मिळणार आहे. मात्र, सततच्या मुसळधार पावसामुळे किनारपट्टी भागातील शहरे आणि सखल भागांत पाण्याचा निचरा होण्यास अडथळा निर्माण होऊन तात्पुरते पाणी साचण्याची भीतीही व्यक्त केली जात आहे. त्यामुळे संबंधित जिल्ह्यांतील नागरिकांनी हवामान विभागाच्या ताज्या सूचनांकडे लक्ष ठेवावे, असे आवाहन करण्यात आले आहे.
Read About : Rain Water Harvesting – सर्व इमारतींनी रेन वॉटर हार्वेस्टिंग करणे अनिवार्य
E-Paper : Punyanagari E-Paper


Comments
Comments will appear here.
Comments are submitted for administrator moderation before appearing publicly.