Khatron Ke Khiladi 15 : ‘खतरों के खिलाड़ी १५ ‘मध्ये अचानक ट्विस्ट, रोहित शेट्टीसमोर भावुक झाले गौरव खन्ना
मुंबई : Khatron Ke Khiladi 15: ‘खतरों के खिलाड़ी १५’मध्ये यावेळी एक अनपेक्षित घडामोड पाहायला मिळाली. अभिनेता गौरव खन्ना यांनी एलिमिनेशनचा स्टंट जिंकला, तरी त्यांनी शो सोडण्याचा निर्णय घेतला. गौरव यांच्या या निर्णयाने सूत्रसंचालक रोहित शेट्टी यांच्यासह शोमधील सर्व स्पर्धकांना धक्का बसला.
स्टंट जिंकला, पण शो सोडण्याचा निर्णय
शोच्या एलिमिनेशन फेरीत गौरव खन्ना, रुहानिका धवन आणि रुबीना दिलैक हे तीन स्पर्धक होते. तिघांमध्ये जोरदार स्पर्धा झाली. गौरव यांनी दमदार कामगिरी करत हा स्टंट जिंकला. त्यामुळे त्यांना शोमध्ये पुढे जाण्याची संधी मिळाली होती. मात्र, स्टंट जिंकल्यानंतर गौरव यांनी रोहित शेट्टी यांच्याकडे शोमधून बाहेर पडण्याची इच्छा व्यक्त केली. त्यांचा हा निर्णय ऐकून सर्वजण आश्चर्यचकित झाले.
‘माझ्या तब्येतीवर परिणाम होत आहे’
गौरव यांनी शो सोडण्यामागचे कारणही सांगितले. ते म्हणाले की, ”मी हा स्टंट जिंकलो आहे, पण मला शोमधून बाहेर पडायचे आहे. मला जाणवत आहे की या शोचा माझ्या आरोग्यावर परिणाम होत आहे.’
आपण पूर्णपणे तंदुरुस्त नसताना दुसऱ्या सक्षम स्पर्धकाची जागा घेणे योग्य वाटत नसल्याचेही त्यांनी सांगितले.
गौरव म्हणाले, ”मी कोणालाही निराश करू इच्छित नाही. या शोमधील स्टंटची पातळी खूपच वेगळी आहे.”
रोहित शेट्टीसह स्पर्धकही झाले भावुक
गौरव यांचा निर्णय ऐकल्यानंतर रोहित शेट्टी आणि इतर स्पर्धकांनी त्यांना धीर दिला. स्टंट जिंकूनही स्वत:हून शो सोडण्याचा निर्णय घेणे सोपे नव्हते. मात्र, गौरव यांनी आपल्या आरोग्याला सर्वाधिक महत्त्व दिले.
विजयापेक्षा आरोग्य महत्त्वाचे
‘खतरों के खिलाड़ी १५’मध्ये गौरव खन्नांचा प्रवास अशाच भावुक वळणावर थांबला. स्टंट जिंकूनही स्पर्धेतून बाहेरपडण्याचा त्यांचा निर्णय सध्या चर्चेचा विषय ठरला आहे.
शेवटी, ट्रॉफी जिंकणे महत्त्वाचे असले तरी त्यापेक्षा स्वत:ची तब्येत आणि सुरक्षितता महत्त्वाची असल्याचा गौरव खन्नांनी आपल्या निर्णयातून हेच दाखवून दिले.
You need an account to post comments.