२० नोव्हेंबरपासून प्रेक्षकांना कमी पैशांत चित्रपट पाहण्याची संधी
मुंबई : Ramayana Movie Ticket Prices – रणबीर कपूर आणि यश यांच्या प्रमुख भूमिका असलेल्या बहुचर्चित ‘रामायण’ चित्रपटाच्या चाहत्यांसाठी आनंदाची बातमी आहे. २० नोव्हेंबरपासून या चित्रपटाचे तिकीट दर कमी करण्यात येणार आहेत. जास्त तिकीट दरांमुळे चित्रपट पाहण्याचे टाळणाऱ्या प्रेक्षकांना आता कमी पैशांत चित्रपटाचा आनंद घेता येणार आहे.
३ डी चित्रपटासाठी अतिरिक्त शुल्क
नव्या निर्णयानुसार, २० नोव्हेंबरपासून २ डी आणि ३ डी चित्रपटांसाठी नियमित शनिवार-रविवारचे तिकीट दर आकारले जातील. मात्र, ३ डी चित्रपटासाठी वेगळे अतिरिक्त शुल्क द्यावे लागेल. आयमॅक्स आणि इतर मोठ्या पडद्यावरील विशेष चित्रपटगृहांचे दर मात्र जास्त राहतील. २० नोव्हेंबरला या चित्रपटांसाठी नेहमीचे विशेष दर, तर २१ आणि २२ नोव्हेंबरला अधिक दर आकारले जातील.
७९९.५९ कोटी रुपयांची कमाई?
दरम्यान, २४ नोव्हेंबरच्या मंगळवारी तिकिटांवर सवलत मिळणार का, याबाबत अद्याप निर्णय झालेला नाही. विशेष म्हणजे, ‘रामायण’ने आतापर्यंत भारतीय चित्रपटगृहांत सर्व भाषांमध्ये मिळून ७९९.५९ कोटी रुपयांची कमाई केली आहे. ८०० कोटींचा टप्पा गाठण्यासाठी चित्रपटाला आता केवळ ४१ लाख रुपयांची गरज आहे. तिकिटांचे दर कमी झाल्यानंतर ‘रामायण’ ८०० कोटींचा टप्पा किती लवकर पार करणार, याकडे आता सर्वांचे लक्ष लागले आहे.
Read About: Robert Pattinson as the New James Bond – रॉबर्ट पॅटिन्सन नवा जेम्स बाँड
E-Paper: Punyanagari E-Paper


Comments
Comments will appear here.
Comments are submitted for administrator moderation before appearing publicly.