Yeh Prem Mol Liya : गाणे आणि चाहत्यांची मने जिंकली; आयुष्मान-शर्वरीची जोडी ठरली खास

आयुष्मान-शर्वरीची जोडी पाहता चाहते आनंदी

मुंबई: Yeh Prem Mol Liya : दिग्दर्शक सूरज बडजात्या यांच्या आगामी ‘ये प्रेम मोल लिया’ या चित्रपटाची जोरदार चर्चा सुरू झाली आहे. आयुष्मान खुराना आणि शरवरी यांच्या प्रमुख भूमिका असलेल्या या चित्रपटाचे टायटल साँग नुकतेच प्रदर्शित झाले. गाणे पाहिल्यानंतर चाहत्यांनी त्याचे भरभरून कौतुक केले असून, अनेकांनी हा चित्रपट थिएटरमध्ये पाहण्याची इच्छा व्यक्त केली आहे.

लग्नसोहळा आणि छठपूजेने वेधले लक्ष

• गाण्यात मोठ्या थाटामाटात लग्नसोहळा दाखवण्यात आला आहे. लग्नातील विधी, कुटुंबातील आनंद, प्रेम आणि नात्यांमधील गोडवा यामुळे गाणे खास वाटते.
• पण या गाण्यातील सर्वात जास्त चर्चेत असलेली गोष्ट म्हणजे छठपूजेची दृश्ये. आयुष्मान आणि शरवरी घाटावर छठपूजा करताना दिसतात. दोघेही सूर्याला अर्घ्य देताना दिसत असून, या प्रसंगाने प्रेक्षकांचे विशेष लक्ष वेधून घेतले आहे.

सूरज बडजात्यांचा ‘फॅमिली टच’

• सूरज बडजात्या यांच्या चित्रपटांमध्ये कुटुंब आणि नात्यांना नेहमीच महत्त्व असते. ‘ये प्रेम मोल लिया’च्या गाण्यातही त्यांचा हा खास अंदाज दिसतो.
• कुटुंब, प्रेम, लग्न, संस्कार आणि भारतीय परंपरा यांचे सुंदर मिश्रण गाण्यात पाहायला मिळते. रंगीबेरंगी लग्नसोहळा आणि सणांचे वातावरण पाहून अनेकांना बडजात्यांच्या जुन्या चित्रपटांची आठवण झाली.

चाहत्यांकडून गाण्याचे कौतुक

• गाणे रिलीज झाल्यानंतर सोशल मीडियावर चाहत्यांच्या प्रतिक्रिया येऊ लागल्या आहेत. एका चाहत्याने लिहिले, ‘अनेक दिवसांनंतर कुटुंबासोबत पाहता येईल असा चित्रपट येत आहे’
  दुसऱ्या एका यूजरने म्हटले, ‘पहिल्याच गाण्याने मन जिंकले.
• छठपूजेच्या दृश्यांवरही अनेकांनी प्रतिक्रिया दिल्या. बॉलिवूडच्या मोठ्या चित्रपटात छठपूजेला इतके महत्त्व मिळाल्याचे पाहून काही चाहते उत्सुक झाले आहेत.
  एका चाहत्याने सूरज बडजात्या यांच्या चित्रपटांबद्दल लिहिले, ‘सूरज बडजात्यांचे चित्रपट म्हणजे फक्त सिनेमा नाही, तर भावना आहेत.’
  गाण्याला मिळणारा प्रतिसाद पाहता ‘ये प्रेम मोल लिया’बद्दल प्रेक्षकांची उत्सुकता वाढली आहे. आता आयुष्मान-शर्वरीची जोडी आणि सूरज बडजात्यांची कौटुंबिक प्रेमकथा पडद्यावर किती रंगते, याकडे सर्वांचे लक्ष लागले आहे.

Read About : Samay Raina Wedding Rumours : डिसेंबरच्या लग्नाच्या चर्चांवर समे रैनाची मजेशीर प्रतिक्रिया
E-Paper: Punyanagari E-Paper