Young-Onset Cancer : तरुणांमध्ये कर्करोगाचे प्रमाण वाढतेय; शास्त्रज्ञांसमोर नवे कोडे

इंग्लंडमधील २००१ ते २०१९ मधील आकडेवारीचा अभ्यास; ५० वर्षांखालील महिलांमध्ये २२ पैकी १६, तर पुरुषांमध्ये २१ पैकी ११ प्रकारच्या कर्करोगांत वाढ

लंडन : Young-Onset Cancer कर्करोग म्हणजे केवळ वृद्धापकाळातील आजार, ही समजूत बदलण्याची वेळ आली आहे. इंग्लंडमध्ये २००१ ते २०१९ या काळातील आकडेवारीचा अभ्यास करताना संशोधकांना तरुणांमध्ये अनेक प्रकारच्या कर्करोगांचे प्रमाण वाढल्याचे आढळले. हा अभ्यास बीएमजी ऑनकॉलॉजी या नियतकालिकात प्रसिद्ध झाला आहे.
संशोधकांनी २० ते ४९ वर्षे आणि ५० वर्षांवरील व्यक्तींमधील २० हून अधिक कर्करोगांच्या नोंदींची तुलना केली. तरुण महिलांमध्ये तपासलेल्या २२ पैकी १६ प्रकारच्या कर्करोगांत, तर पुरुषांमध्ये २१ पैकी ११ प्रकारांत लक्षणीय वाढ दिसली. विशेष म्हणजे, आतड्यांचा आणि अंडाशयाचा कर्करोग तरुणांमध्ये वाढला; मात्र वृद्ध गटात तशी वाढ आढळली नाही.

लठ्ठपणा महत्त्वाचा; पण एकमेव कारण नाही

Young-Onset Cancer अतिरिक्त वजनाचा संबंध तपासलेल्या ११ प्रमुख कर्करोगांपैकी १० प्रकारांशी आढळला. गर्भाशयाच्या आतील आवरणाच्या कर्करोगातील अंदाजे ३७ टक्के प्रकरणांचा संबंध अतिरिक्त वजनाशी होता. धूम्रपान, मद्यपान, कमी शारीरिक हालचाल आणि आहार हेही संभाव्य जोखीम घटक आहेत. मात्र, तरुणांमध्ये काही जोखीम घटक स्थिर राहिले किंवा सुधारले, तरी कर्करोगाचे प्रमाण वाढले. उदाहरणार्थ, २००८ ते २०१८ दरम्यान तरुण पुरुषांमधील ‘रेड मिट’चे सरासरी सेवन दररोज ३८ ग्रॅमवरून १७ ग्रॅमपर्यंत घटले.

आतड्यांतील सूक्ष्मजीवांवरही संशोधन

अति प्रक्रिया (अल्ट्रा-प्रोसेस्ड) अन्न, बालपणीचा लठ्ठपणा, वायुप्रदूषण, प्रतिजैविकांचा वापर आणि आतड्यांतील सूक्ष्मजीवांमधील बदल यांची संभाव्य भूमिका तपासण्याची गरज संशोधकांनी व्यक्त केली आहे. मात्र, या घटकांमुळेच कर्करोग वाढतो, हे अद्याप सिद्ध झालेले नाही.
हा निरीक्षणाधारित अभ्यास असल्याने कारण-परिणाम निश्चित करता येत नाही. वृद्धांमध्ये कर्करोगाचा एकूण भार अजूनही अधिक आहे. त्यामुळे सर्व वयोगटांतील जोखीम घटकांचा अभ्यास आणि प्रतिबंधात्मक उपाय महत्त्वाचे ठरतात. Young-Onset Cancer

Read About : Cancer-fighting stem cells : कर्करोगाविरुद्ध लढणाऱ्या बीज पेशींचा नवीन स्रोत शोधला 2026

E-Paper: Punyanagari E-Paper