Ad Advertisement Ad Advertisement

Anirudh Kavya Wedding Reception – अनिरुद्ध-काव्याच्या रिसेप्शनला दिग्गजांची मांदियाळी

रजनीकांत, कमल हासन ते मुख्यमंत्री विजय यांची खास उपस्थिती

चेन्नई : Anirudh Kavya Wedding Reception -संगीतकार अनिरुद्ध रविचंदर आणि सन टीव्ही नेटवर्कच्या काव्या मारन यांच्या लग्नाचा आनंद आता रिसेप्शनमध्येही पाहायला मिळत आहे. २१ नोव्हेंबर रोजी चेन्नईतील आयटीसी ग्रँड चोला हॉटेलमध्ये या शानदार रिसेप्शनचे आयोजन करण्यात आले. या सोहळ्याला दाक्षिणात्य चित्रपटसृष्टीतील अनेक मोठ्या कलाकारांसह राजकीय आणि क्रीडा क्षेत्रातील दिग्गजांनी हजेरी लावली. सुपरस्टार रजनीकांत, कमल हासन आणि तमिळनाडूचे मुख्यमंत्री विजय यांच्या उपस्थितीने या सोहळ्यांची रंगत आणखी वाढली.

रजनीकांत आणि कमल हासन यांची उपस्थिती

अनिरुद्ध आणि काव्याच्या रिसेप्शनमध्ये सुपरस्टार रजनीकांत यांचे आगमन सर्वांचे लक्ष वेधून घेणारे ठरले. यावेळी त्यांची तमिळनाडूचे माजी मुख्यमंत्री एम. के. स्टॅलिन यांच्याशीही भेट झाली. दोघांनी एकमेकांची भेट घेत काही वेळ गप्पा मारल्या. दाक्षिणात्य चित्रपटसृष्टीतील ज्येष्ठ अभिनेते कमल हासन यांनीही या सोहळ्याला उपस्थित राहून नवदाम्पत्याला शुभेच्छा दिल्या.

मुख्यमंत्री विजय यांचीही हजेरी

तमिळनाडूचे मुख्यमंत्री आणि अभिनेते विजय यांनीही या रिसेप्शनला हजेरी लावली. विजय यांच्या आगमनाच्या वेळी हॉटेलबाहेर कडक सुरक्षा व्यवस्था ठेवण्यात आली होती. मोठ्या पोलीस बंदोबस्तात त्यांनी कार्यक्रमस्थळी प्रवेश केला. तेलंगणाचे मुख्यमंत्री रेवंत रेड्डी यांनीही या खास सोहळ्याला उपस्थिती लावली.

एटली, सिद्धार्थ-अदितीही पोहोचले

प्रसिद्ध चित्रपट दिग्दर्शक एटली पत्नी प्रिया हिच्यासोबत रिसेप्शनमध्ये सहभागी झाले. अभिनेता सिद्धार्थ आणि अभिनेत्री अदिती राव हैदरी यांनीही एकत्र येत नवदाम्पत्याला शुभेच्छा दिल्या. अभिनेत्री राधिका सरथकुमार मुलगा राहुलसोबत या सोहळ्यात सहभागी झाल्या. दाक्षिणात्य अभिनेता राघव यांनीही अनिरुद्ध आणि काव्यासोबत छायाचित्र काढून त्यांचे अभिनंदन केले.

क्रिकेटपटू भुवनेश्वर कुमारची उपस्थिती

या रिसेप्शनमध्ये भारतीय क्रिकेटपटू भुवनेश्वर कुमारही सहभागी झाला. चित्रपट, राजकारण आणि क्रीडा क्षेत्रातील मान्यवरांच्या उपस्थितीमुळे हा सोहळा विशेष चर्चेत आला.

अनिरुद्ध-काव्याचा खास लूक

रिसेप्शनमध्ये अनिरुद्ध आणि काव्या यांचा पारंपरिक आणि आधुनिक शैलीचा सुंदर मेळ पाहायला मिळाला. अनिरुद्धने गडद मरून आणि काळ्या रंगाची आकर्षक भरतकाम केलेली इंडो वेस्टर्न शेरवानी परिधान केली होती. तर काव्या लाल रंगाच्या सुंदर भरतकाम केलेल्या लेहंग्यात दिसली. दोघांचाही लूक पाहुण्यांचे लक्ष वेधून घेत होता.

स्टार्सच्या उपस्थितीने सोहळा गाजला
अनिरुद्ध आणि काव्याच्या लग्नाच्या आनंदात सहभागी होण्यासाठी चित्रपटसृष्टीपासून राजकारण आणि क्रिकेट विश्वापर्यंत अनेक दिग्गज एकत्र आले. रजनीकांत, कमल हासन आणि मुख्यमंत्री विजय यांच्यासारख्या मोठ्याव्यक्तींच्या उपस्थितीमुळे या रिसेप्शनची चर्चा रंगली आहे. आता या सोहळ्यातील सुंदर छायाचित्रे आणि खास क्षण सोशल मीडियावरही चाहत्यांचे लक्ष वेधून घेत आहेत.

Read About: Cyber Movie 2026 – नोकरीच्या शोधात गेले अन सायबर गुन्ह्यांच्या जाळ्यात अडकले

E-Paper: Punyanagari E-Paper

महत्त्वाचे मुद्दे

Comments

Comments will appear here.

Comments are submitted for administrator moderation before appearing publicly.