Artificial Cell 2026 : पूर्ण जीवनचक्र असणाऱ्या मानवनिर्मित पेशीची निर्मिती

ऊर्जा घेणे, वाढणे आणि पेशी विभाजनाद्वारे नवीन पेशी निर्माण करण्याची क्षमता

सेंट पॉल (अमेरिका) : Artificial Cell बायोलॉजिकल इंजिनिअरिंग आणि सिंथेटिक बायोलॉजीच्या (कृत्रिम जीवशास्त्र) इतिहासामध्ये शास्त्रज्ञांना एक अत्यंत अभूतपूर्व आणि ऐतिहासिक यश मिळाले आहे. युनिव्हर्सिटी ऑफ मिनेसोटाच्या संशोधकांनी प्रयोगशाळेत स्वत:चे पूर्ण जीवनचक्र यशस्वीरीत्या पार पाडू शकणाऱ्या पहिल्या संपूर्ण कृत्रिम पेशीची निर्मिती केली आहे. या वैज्ञानिक शोधातील मानवनिर्मित पेशीला स्पडसेल नाव देण्यात आले आहे.

यापूर्वी देखील जगभरात कृत्रिम पेशी तयार करण्याचे अनेक प्रयत्न झाले होते, परंतु त्या पेशी ठराविक काळानंतर निष्क्रिय किंवा नष्ट होत असत. स्पडसेल ही पहिलीच अशी कृत्रिम पेशी आहे, जी नैसर्गिक सजीवांप्रमाणे आपले संपूर्ण जीवनचक्र पूर्ण करण्यात यशस्वी ठरली आहे. ही पेशी आजूबाजूच्या पर्यावरणातून स्वत:साठी आवश्यक असलेली ऊर्जा आणि अन्न ग्रहण करू शकते. इतकेच नव्हे तर, ती स्वत:चा आकार वाढवू शकते आणि सर्वात महत्त्वाचे म्हणजे पेशी विभाजन करून हुबेहूब स्वत:सारख्या दुसऱ्या पेशीची निर्मिती करू शकते.

या शोधाचे दूरगामी परिणाम वैद्यकीय आणि औद्योगिक क्षेत्रावर होणार आहेत. या तंत्रज्ञानाच्या मदतीने भविष्यात मानवी शरीरात अत्यंत अचूकपणे औषधे पोहोचवणारी यंत्रणा विकसित करता येईल. तसेच कर्करोग आणि अनुवंशिक आजारांवर प्रभावी उपचार शोधणे सुलभ होईल. पर्यावरणपूरक जैव-इंधन तयार करण्यासाठी आणि दूषित कचऱ्याचे विघटन करण्यासाठी देखील या कृत्रिम पेशींचा वापर मैलाचा दगड ठरू शकतो.

Read About : Car Cyber Security : आधुनिक कारच्या डिजिटल अपघाताचा धोका; हॅकर्स घेऊ शकतात सिस्टीमचा ताबा
E-Paper: Punyanagari E-Paper