मंदिरासमोर मोबाईलचा कॅमेरा धरताच दिसणार श्रीरामांच्या जीवनातील पाच प्रसंग, तरुणांसाठी खास उपक्रम
अयोध्या : Ayodhya Deepotsav AR Technology रामायणातील प्रसंग आता मोबाईलवरही पाहता येणार आहेत. अयोध्येतील यंदाच्या दीपोत्सवात आधुनिक तंत्रज्ञानाच्या मदतीने रामायणाचा अनुभव घेण्याची संधी पर्यटकांना मिळणार आहे. मोबाईलचा कॅमेरा मंदिराच्या दिशेने धरताच स्क्रीनवर रामायणातील प्रसंग दिसतील. या उपक्रमामुळे लहान मुले आणि तरुणांना रामायण समजून घेणे अधिक सोपे होणार आहे.
यंदाच्या दहाव्या दीपोत्सवात ऑगमेंटेड रिॲलिटी (एआर) तंत्रज्ञानाचा वापर केला जाणार आहे. या तंत्रज्ञानामुळे मोबाईलच्या स्क्रीनवर खऱ्या परिसरात रामायणातील दृश्ये दिसल्याचा अनुभव मिळेल. प्रभू श्रीरामांच्या जीवनातील पाच महत्त्वाचे प्रसंग यामध्ये दाखवले जाणार आहेत.
अयोध्येचे महापौर गिरीश पती त्रिपाठी यांनी या उपक्रमाची माहिती दिली. तरुण पिढीला रामायण आणि भारतीय संस्कृतीची ओळख करून देणे हा या प्रयोगाचा मुख्य उद्देश आहे.
राम की पैडी परिसरात मिळणार सुविधा
यासाठी खास मोबाईल ॲप तयार करण्यात आले आहे. हे ॲप अँड्रॉइड आणि आयओएस अशा दोन्ही प्रकारच्या मोबाईलवर वापरता येईल. राम की पैडी परिसरात पर्यटकांनी मोबाईलचा कॅमेरा सुरू करताच ही सुविधा वापरता येणार आहे.परिसरात पोहोचल्यावर ॲपमधील सुविधा आपोआप सुरू होईल.
फोटो आणि व्हिडीओही काढता येणार
या तंत्रज्ञानाच्या मदतीने दिसणाऱ्या रामायणातील दृश्यांचे फोटो आणि व्हिडीओ पर्यटकांना काढता येतील. हे फोटो आणि व्हिडीओ सोशल मीडियावरही शेअर करता येणार आहेत.
परंपरेला तंत्रज्ञानाची जोड देणारा हा प्रयोग यंदाच्या दीपोत्सवाचे खास आकर्षण ठरणार आहे. दिव्यांच्या रोषणाईसोबतच मोबाईलच्या स्क्रीनवरही रामायणातील प्रसंग अनुभवण्याची संधी पर्यटकांना मिळणार आहे.
Read About : Nashik-Trimbakeshwar Simhastha Kumbh Mela-दोन विश्वविक्रमांनी झाला सिंहस्थाचा श्रीगणेशा!
E-Paper: Punyanagari E-Paper
Comments
Comments will appear here.
Comments are submitted for administrator moderation before appearing publicly.