Malaria Vaccine Price Reduction : मलेरियाची लस 40 टक्के स्वस्त; 10 लाख बालकांना अतिरिक्त संरक्षण

भारत बायोटेक, गॅवी आणि युनिसेफ यांच्यात महत्त्वाचा करार; 2027 पासून प्रति डोस किंमत 532 रुपये होण्याची अपेक्षा

नवी दिल्ली / हैदराबाद : Malaria Vaccine Price Reduction मलेरियाविरुद्धच्या लढाईला अधिक बळ मिळवून देण्यासाठी ‘भारत बायोटेक इंटरनॅशनल लिमिटेड’ने (बीबीआयएल) ‘गॅवी – द व्हॅक्सिन अलायन्स’ आणि ‘युनिसेफ’ यांच्यासोबत एका महत्त्वाच्या कराराची घोषणा केली आहे. या करारामुळे जगातील पहिली मलेरिया प्रतिबंधक लस ‘आरटीएस, एस/एएस०१’च्या (ज्याला मॅकव्हिक या ब्रँड नावाने भारत बायोटेक तयार करते) किमतीत सुमारे ४० टक्क्यांपर्यंत कपात होणार आहे. या नवीन करारामुळे मलेरियाच्या लसीची किंमत प्रति डोस ५.५० युरो (सुमारे ५३२ रुपये) होईल, जी सध्याच्या किमतीपेक्षा सुमारे ४० टक्क्यांनी कमी आहे.

दहा लाखांहून अधिक बालकांना संरक्षण

या किंमत कपातीमुळे २०२७ ते २०२९ दरम्यान बालकांच्या लसीकरण कार्यक्रमात सुमारे ५० दशलक्ष अमेरिकी डॉलरची बचत होईल. तसेच, या निधीतून आणखी १० लाख बालकांना लसीचे चारही डोस मिळणे शक्य होईल.Malaria Vaccine Price Reduction

लवकरच अंमलबजावणी

ही नवीन किंमत रचना २०२७ च्या सुरुवातीपासून लागू होण्याची अपेक्षा असून, यामुळे मलेरिया लसीचा जागतिक बाजार अधिक स्थिर आणि टिकाऊ होण्यास मदत होईल. Malaria Vaccine Price Reduction

पार्श्वभूमी आणि वाढती मागणी

Malaria Vaccine Price Reduction २०२१ मध्ये जागतिक आरोग्य संघटनेने (डब्ल्यूएचओ) शिफारस केलेली ही जगातील पहिली मलेरिया लस आहे. २०२४ मध्ये प्रत्यक्ष वापर सुरू झाल्यापासून या लसीची मागणी अपेक्षेपेक्षा जास्त राहिली आहे. आतापर्यंत युनिसेफकडून ७४ कोटींहून अधिक डोस वितरित करण्यात आले आहेत. आफ्रिकेतील २५ देशांमध्ये सध्या गॅवीच्या अर्थसहाय्याने मलेरिया लसीकरण मोहीम नियमित लसीकरणाचा भाग बनवली गेली आहे.

मलेरियाची सध्याची जागतिक स्थिती

• जगभरात दर मिनिटाला एका बालकाचा मलेरियामुळे मृत्यू होतो (वर्षाला सुमारे ५ लाख बालमृत्यू).
• २०२४ मध्ये जगभरात अंदाजे २८ कोटी २० लाख मलेरियाची प्रकरणे आणि ६,१०,००० मृत्यू नोंदवले गेले, ज्यामध्ये ९५% प्रकरणे आफ्रिकेतील आहेत आणि त्यातील ७४% मृत्यू ५ वर्षांखालील बालकांचे आहेत.
• हवामान बदल, वाढते तापमान आणि पुरासारख्या नैसर्गिक आपत्तींमुळे मलेरियाचा धोका नवीन भागांमध्ये पसरत असताना, ही लस बालकांच्या संरक्षणासाठी अत्यंत महत्त्वाची ठरत आहे.

गॅवी-युनिसेफ करार हा मलेरिया लसीकरणाचा विस्तार करण्यासाठी एक दूरगामी पाऊल आहे. यामुळे अधिकाधिक मुलांना मलेरियापासून संरक्षण मिळेल. उत्पादन वाढवणे आणि सर्वांना परवडणाऱ्या दरात लस उपलब्ध करून देणे यासाठी आम्ही कटिबद्ध आहोत.

– डॉ. कृष्णा एल्ला, कार्यकारी अध्यक्ष, भारत बायोटेक

Read About:Climate Change Wheat Protein : वाढत्या CO₂ मुळे गव्हातील प्रथिनांमध्ये बदल, चपातीची गुणवत्ता खराब होणार

E-Paper: Punyanagari E-Paper