Mumbai Bhuleshwar Fire : इमिटेशन ज्वेलरी दुकानाला भीषण आग

मुंबईतील भुलेश्वर रोडवरील फुल गल्ली नाका परिसरातील काकाकावा बिल्डिंग येथील घटना

मुंबई : Mumbai Bhuleshwar Fire मुंबईतील गजबजलेल्या भुलेश्वर परिसरात गुरुवारी (२२ ऑक्टोबर) इमिटेशन ज्वेलरीच्या तीन मजली दुकानाला भीषण आग लागल्याची घटना घडली. तिसरा भोईवाडा, भुलेश्वर रोडवरील फुल गल्ली नाका येथील काकाकावा बिल्डिंग क्रमांक २ मधील दुकानात ही आग लागली. घटनेची माहिती मिळताच अग्निशमन दलाने तातडीने घटनास्थळी धाव घेतली.

प्राथमिक माहितीनुसार, दुकानात आग लागण्यामागे शॉर्ट सर्किट किंवा विद्युत उपकरणे अतिउष्ण झाल्याची शक्यता वर्तवण्यात येत आहे. मात्र, आगीचे नेमके कारण अद्याप स्पष्ट झालेले नाही. घटनेची अधिकृत चौकशी झाल्यानंतरच आगीचे कारण निश्चित होणार आहे.

आगीची तीव्रता लक्षात घेऊन अग्निशमन दलाच्या चार गाड्या घटनास्थळी दाखल झाल्या होत्या. खबरदारीचा उपाय म्हणून संबंधित परिसरातील वीजपुरवठाही तात्पुरता खंडित करण्यात आला होता.

आर्थिक नुकसानीचा अंदाज

भुलेश्वर हा मुंबईतील गजबजलेल्या व्यापारी परिसरांपैकी एक असल्याने या घटनेमुळे परिसरात चिंता निर्माण झाली. दुकानातील इमिटेशन ज्वेलरी आणि इतर साहित्याचे नुकसान झाल्याची शक्यता आहे. मात्र, नुकसानीचा नेमका आकडा अद्याप समोर आलेला नाही.
उपलब्ध प्राथमिक माहितीनुसार, या घटनेतील जीवितहानी किंवा जखमींची संख्या अधिकृतरीत्या स्पष्ट झालेली नाही.

Read About : Chhatrapati Sambhajinagar Murder : आधी कारची जोरदार धडक, नंतर रॉडने वार; एन-7 सिडको भागात भरदिवसा व्यावसायिक वादातून मित्राचा क्रूर खून

E-Paper: Punyanagari E-Paper