Mercury to Gold Conversion – प्राचीन भारतीय रसायनविद्येच्या मदतीने पाऱ्याचे सोन्यात रूपांतर?, MNIT करणार पडताळणी

पोखरण-२ अणुचाचण्यांशी संबंधित संशोधकाचा दावा; नमुन्याच्या पृष्ठभागावर ९९.०४ टक्के शुद्ध सोने आढळल्याचे म्हणणे, मात्र वैज्ञानिक पडताळणी बाकी

नवी दिल्ली : Mercury to Gold Conversion प्राचीन भारतीय ग्रंथांमधील रसायनविद्येचा वापर करून पारा या धातूचे शुद्ध सोन्यात रूपांतर केल्याचा दावा राजस्थानमधील भारताच्या ‘पोखरण-२’ अणुस्फोट चाचण्यांशी संबंधित असलेले संशोधक लाल बहादूर यांनी केला आहे. त्यांच्या या दाव्याची पडताळणी आता जयपूर येथील मालवीय राष्ट्रीय तंत्रज्ञान संस्थेतील (एमएनआयटी) तज्ज्ञ करणार आहेत.

लाल बहादूर आणि त्यांच्या पथकाच्या म्हणण्यानुसार, जयपूरच्या कानोडिया कॉलेजच्या भौतिकशास्त्र प्रयोगशाळेत ०.२४० ग्रॅम पाऱ्याच्या नमुन्यावर प्रयोग करण्यात आला. या नमुन्याच्या पृष्ठभागावर ९९.०४% शुद्ध सोने (२३.७७ कॅरेट) असल्याचे आढळल्याचा दावा त्यांनी केला आहे. तसेच त्यात ०.४८% चांदी आणि ०.४८% तांबे असल्याचेही नोंदवण्यात आले. Mercury to Gold Conversion

प्राचीन ग्रंथांचा आधार

Mercury to Gold Conversion आचार्य नागार्जुन यांच्याशी संबंधित प्राचीन ग्रंथ आणि ‘रसशास्त्र’ परंपरेतील ‘पारद संस्कार’ तसेच ‘धातू परिवर्तन’ या तंत्रांचा तीन वर्षे अभ्यास करून हा प्रयोग केल्याचे बहादूर यांचे म्हणणे आहे. या प्रयोगात कोणताही किरणोत्सर्ग नोंदवला गेला नसल्याचा दावाही त्यांनी केला आहे.

वैज्ञानिक शंका आणि मर्यादा

हा दावा अद्याप पूर्णपणे सिद्ध झालेला नाही, कारण या प्रयोगात काही तांत्रिक आणि वैज्ञानिक प्रश्न उपस्थित झाले आहेत. Mercury to Gold Conversion

• फक्त पृष्ठभागाची तपासणी : हे संशोधन केवळ नमुन्याच्या बाहेरील पृष्ठभागावरील आहे. त्यामुळे संपूर्ण नमुन्याचे सोन्यात रूपांतर झाले आहे का, हे सिद्ध होत नाही.
• सोन्याचा स्त्रोत अनाकलनीय: पाऱ्याच्या पृष्ठभागावर आढळलेले सोने हे पाऱ्यापासून तयार झाले आहे, की ते आधीपासूनच अशुद्धी म्हणून त्या नमुन्यात होते किंवा बाहेरून आले होते, हे अद्याप स्पष्ट झालेले नाही.
• अणु प्रक्रियेची गरज : रसायनशास्त्रानुसार, पारा आणि सोने हे पूर्णपणे वेगवेगळे मूलद्रव्य आहेत. सामान्य रासायनिक प्रक्रियेने एकाचे दुसऱ्यात रूपांतर करणे अशक्य असून त्यासाठी अणूचे केंद्रक बदलणारी आण्विक प्रक्रिया आवश्यक असते.

‘एमएनआयटी’कडून वैज्ञानिक चाचणी

या दाव्याची सखोल चौकशी करण्यासाठी एमएनआयटीमधील तज्ज्ञ आता मूळ साहित्याची तपासणी करतील, तसेच पुन्हा प्रयोग करून पाहणार आहेत नमुन्यांमधील घटकांचे अचूक प्रमाण आणि त्यांची समस्थानिक (आयसोटॉपिक कम्पोझिशन) रचना तपासण्यासाठी एक्स-रे फ्लुरोसेन्स (एक्सआरएफ) आणि आइसोटोप ॲनालिसिससारख्या प्रगत वैज्ञानिक तंत्रज्ञानाचा वापर केला जाणार आहे. स्वतंत्र वैज्ञानिक पडताळणी होईपर्यंत हा लाल बहादूर यांच्या दाव्यावर शिक्कामोर्तब झालेले नाही.

Read About : OpenAI Mathematical Breakthrough – ‘ओपनएआय’चा गणित, भौतिकशास्त्रात पराक्रम!
E-Paper : Punyanagari E-Paper