Brain-Inspired Neuromorphic Chip – मानवी मेंदूसारखे स्वतः शिकणारे अल्ट्रा-मायक्रो इलेक्ट्रॉनिक डिव्हाइस विकसित

बाह्य सॉफ्टवेअर, कोडिंग किंवा क्लाउड सर्व्हरशिवाय माहितीवर प्रक्रिया करण्याची क्षमता

टोकियो (जपान) : Brain-Inspired Neuromorphic Chip जागतिक शास्त्रज्ञांनाच्या एका गटाने तंत्रज्ञान आणि जीवशास्त्राचा मेळ घालत एक अत्यंत सूक्ष्म इलेक्ट्रॉनिक चिप/डिव्हाइस विकसित केले आहे, जे हुबेहूब मानवी मेंदूसारखे काम करते. या डिव्हाइसचे सर्वात मोठे वैशिष्ट्य म्हणजे कोणत्याही बाह्य सॉफ्टवेअर किंवा प्रोग्रामिंगशिवाय हे स्वत:हून माहितीवर प्रक्रिया करू शकते आणि नवीन गोष्टी शिकू शकते.

नेमके कसे काम करते हे डिव्हाइस?

मानवी मेंदूमध्ये अब्जावधी न्यूरॉन्स आणि सायनॅप्सेसचे जाळे असते, जे अनुभवातून आणि माहितीवरून स्वत:ला अपडेट करत राहतात. शास्त्रज्ञांनी याच न्यूरोमॉर्फिक संकल्पनेचा वापर करून हे सूक्ष्म डिव्हाइस तयार केले आहे. पारंपरिक कॉम्प्युटर्सना काम करण्यासाठी विशिष्ट सॉफ्टवेअर आणि कोडिंगची गरज असते, परंतु हे नवीन इलेक्ट्रॉनिक डिव्हाइस मानवी मेंदूच्या जैविक कार्यपद्धतीची नक्कल करून आजूबाजूच्या डेटाचे स्वत:हून विश्लेषण करते आणि जसा अनुभव येईल, तसे स्वत: शिकत जाते.

सध्याच्या एआय पेक्षा कसे वेगळे आहे?

सध्या बाजारात असलेले एआय मॉडेल्स किंवा चॅटबॉट्स हे जमिनीवरील महाकाय डेटा सेंटर्स आणि क्लाउड सॉफ्टवेअरवर अवलंबून असतात. त्यांना चालवण्यासाठी प्रचंड ऊर्जा आणि बॅंडविड्थ लागते. याउलट, हे नवीन सूक्ष्म डिव्हाइस ऑन-चिप पद्धतीने काम करते. म्हणजेच याला चालवण्यासाठी कोणत्याही क्लाउड सर्व्हरची किंवा इंटरनेटची गरज पडत नाही. यामुळे माहितीची प्रक्रिया अत्यंत वेगवान होते आणि डेटा चोरीचा धोकाही पूर्णपणे नष्ट होतो.

भविष्यातील अथांग शक्यता

याचा वापर भविष्यात मानवी मेंदूत बसवता येणाऱ्या न्यूरल इंप्लांट्समध्ये, म्हणजेच अर्धांगवायू किंवा अल्झायमरसारख्या आजारांवर उपचार करण्यासाठी केला जाऊ शकतो. तसेच, यामुळे असे प्रगत रोबॉट्स आणि स्मार्ट गॅजेट्स तयार करता येतील जे कोणत्याही मानवी हस्तक्षेपाशिवाय स्वत:चे निर्णय स्वत: घेऊ शकतील.

Read About : India Data Center Growth 2030 : भारतात डेटा सेंटर क्षेत्राची मोठी झेप! 2030 पर्यंत क्षमता 5 पट वाढणार
E-Paper: Punyanagari E-Paper